العطور المعرفة
مراتك ولا المحفظه
o2morny store
كتير منا بيعيش حاله حب جميلة قبل الجواز وبيعمل فيها قيس وليلى خطوبه وعزايم ودباديب ورد واطقم مش طقم شوكلاته واحد وافراح وهوب أول ما يخش مرحلة الجواز يدوبك هما اول شهرين شهر شهر العسل وشهر ما بعده وشكرا وبارك الله فيما رزق وانتهت الرومانسية ويلا شوفلنا صنيه محشي نتغدى بيها حاله الحب والولع في اول الزواج بتقل وتهدا وتبدأ مطحنه الحياه تطحن الزوجين هو ينشغل وهي والحياه بتهدا ما بينهم وبيوقع الزوجين في مطبات كتيره اكبرها حاله الملل الزوجي وطبعا لو متعالجتش ممكن تتطور لحاله الفتوران الشريك يكو مش عايز شريكه وديه بتحصل لأسباب كتير منها عدم تجديد الحب والشوق ما بينهم لان الشوق طاقه زي اي طاقه لازم كل مده تتجدد وتشحن بطاريه قلبك من جديد وده بيجي بالتعود انك تعود نفسك كل فتره مثلا كل شهر انك تخرجوا مكان جديد تقعدوا لوحدكم بعيد عن دوشه الناس واي حد وتخطفوا يومين حلوين جدا زي ايام شهر العسل تجددوا فيها كل طاقه الحب وتزودوا التلاحم اوي ما بينكم في كل حاجة عشان تبقوا واحد ممكن بحاجات بسيطه ممكن خروجه حلوه او كلمه حلوه تعمل اعادة للحياة قوي جدا للعلاقه ما بينكم أو حتى هديه حلوه وهنا بيدأ سؤالنا .. عمر فكرت تجيب لزوجتك هديه ؟ الحقيقه ازواج كتير بتنسي تجيب هديه لزوجتهم تحت ضغوط الحياه وبينسوا ان الهديه مش مجرد شئ بيشتروا ولكن قيمتها اعلى بكتير بكتير من تمنها وخصوصا لو كانت من غير سبب والهديه مش اي حاجة تقع عليها عينك او تلاقيها في الهايبر او محل البوتيك اللي في أول الشارع خلي للهديه معنى وقيمه كبيره والموضوع ده ليه خطوات بسيطه جدا يلا بينا نبدأ فيها 1- لازم تسأل نفسك هي هل في مناسبة جايه ولا لا ؟ يعني مثلا هل في عيد ميلادها جاي فمتنساش التورته اهم حاجة اهم من الهديه نفسها ساعات ممكن عيد الميلاد يقلب اسود بس لو مفيش تورته بس برده الهديه مهمه او يكون في مناسبه او تكريم في شغلها او عيد كبير او صغير جاي كل ده برده فيه عديه و هديه او عيد الأم .. ايوا عيد الام كمان الست بتستنى من جوزها حاجة فيه تخيل وأهم حاجة أوعى أوعى أوعى تنسى عيد جوازكم صدقني مش هيبقى يوم معدي وممكن يبقى دراما سودا وتتكدر سنه بسببه الست كائن رقييق وعاطفي ويمكن أوفر احيانا بطبعه واقل الحاجات اللي ممكن تبقى تافهه بالنسبة لك او متخدش بالك منها تعنى ليها حاجات كبيرة جدااا بس انت لازم تراعي ده كويس جدا 2 : اسئل نفسك هي محتاجه أيه اوي الفتره الجايه ؟ افتكر "أجمل الهدايا هي التي نحتاجها بشده ولكن لا نتذكرها احيانا " يعني شوف هيا محتاجه ايه مثلا لو بتروح الشغل وفيه شغل كتير بتعمله اكيد هتحتاج لابتوب او مثلا لو هي بتروح الجيم وكده عشان المحشي كتر بقى فهتحتاج مثلا TRAINING SUIT حلو ومناسب ليها ويكون على مقاسها واياك يبقى واسع تقول: انت جيبته واسع هوانا تخنت اوي كده او ضيق اوي وهي اصلا تكون تخنت فتتحرج ومودها يتقلب ويبقى يومك مش فايت يا معلم لازم لازم الدقه او مثلا هي بتخرج وتتعب في المواصلات ونفسها في عربيه جبلها عربيه صغيره كده صدقني هتحبك اوي أوي وممكن بعدها تقضي MINI HONYMOON احتفالا بس بالعربية لو جتلك جلطه ولا كرشه نفس من السطرين اللي فاتوا دول تجاهلوا تماما لو عايز تجبلها هديه دلوقتي او اليومين جايين ممكن برده تجيب هديه حلوه PACKAGE من صفحه ال GIFTS من الويب سايت فلو هي بتحب البرفيوم اوي هتلاقي مجموعه متميزه من اطقم هدايا البراندات الرائعه ولو هي بتحب المكياج هتلاقي برده مجموعه حلوه من هدايا المكياج بس بجد مفيش اجمل من الزوج اللي بيفتكر زوجته بهديه ولو بسيطه وياسلام من غير مناسبة يبقى أحلى حاجة
ارشه فين ؟
o2morny store
زي ما قال نصه لسلطان يوم ما تفكر تنشن لازم تصيب بالظبط كده العطور مش اي مكان لازم ترش عليه بكتره وخلاص لأن ده خطأ لأسباب كثيره في ناس كتير مش بتحب ترش برفيوم لا بتحب تتدلدق برفيوم وتعشق كده من غير تحط في بالها ايه اللي ممكن يترتب على كده أو الأخطار اللي ممكن تواجها الحقيقه الرش كتير خطأ جدا كتر رش البرفان خطأ جدا لأسباب التاليه 1- كثره رش البرفان بتخلي انفك لاتستطيع تميز الرائحه عن الاخري يعني مش هتقدر تفرق ما بين العطور وهتخلي كل العطور بالنسبة ليك واحده . 2- تهيج حساسية جيوف الأنفيه وتصيبك بصداع جيوب الأنفيه اللي محدش بيحبه خالص . 3- واهم نقطه هي ان كتر رش البرفيوم مبيثبتش الرائحه بالشكل الصحيح ومش بيحقق الغرض الاساسي . 4- ممكن يزود حساسية الجلد للعطر وتحس بحرقان في جلد .طب ايه الحل ... هل منرشش العطر ؟ لا طبعا في طرق صحيحه لرش البرفيوم ولا زم نعرفها .1- خلف المرفقين الرش خلف المرفقين في اللي حته اللي بينهم بيساعد بشكل كبير على فوحان البرفيوم لان حراره الدم المتولده من الوريد بتخلي البرفيوم يفوخ اكتر .2- خلف الأذنين من افضل الأماكن رش البرفوم وجعله فواح وخصوصا في المساحات القريبة .3- السره من اجمل اماكن رش البرفيوم وخصوصا في اوقات العلاقه الحميميه بتجعلك super sexy . 4- الرقبة طبعا من اشهر واوضح الامكان لجعل البرفيوم يفوح ويستمر 5- خلف الركبه يعني بين الرجلين من اجمل اماكن رش البرفيوم خصوصا في وقت العلاقه الحميميه بتضفي على رائحه الجسد رائحه مثيره وجذابه جدا تجعل العلاقه مثيره وناجحه اماكن رش البرفيوم تفرق كثيرا جدا في فوحان وثبات البرفيم وايضا في سبب استخدامه وده اللي بيجعل الرجل او المراه متميز ومثير جدا عن غيره.