عن اؤمرنى

لأن جمهورنا ومتابعينا أنت واحد منهم بما تحمله من عواطف وحب وأحاسيس وذكريات أو غموض أو مرح أو رومانسيه ، وساعات بتكون هواياتك الرياضة أو الرحلات أو كتابة الشعر ، وممكن تكون شخصية قيادية أو شخصية حالمه أو شخصية مسالمة أو غيرها من الشخصيات

علشان كده فكرنا فى تأسيس شركة اؤمرنى دوت كوم وانطلاقها على السوشيال فى 4/4/ 2017

ولأن شغفنا هو أسعادك ، ومفيش حاجه ممكن تسعدك أو ترجعك لذكريات جميلة أو تكون مرسال للحب أو تظهر شخصيتك أفضل من العطور

ومن أول ما بدأنا وأحنا كل فترة بنضيف الجديد دايما من العطور الاورجينال الرجالى

والجديد من العطور الاورجينال الحريمى

وعلشان جمهور وعشاق العطور مميزين وليهم اهتمامات خاصة عملنالهم مدونة على الموقع فيها مقالات عن العطور ومعلومات عن قصة كل براند وقريباً هنضيف معلومات عن بعض مؤلفى العطور واللى بيكون اسمهم ( الأنف وراء أبتكار العطر ) ، وفى المقالات بنجاوب على اغلب اللى بيشغل عشاق العطور ( زى ازاى تشترى عطر اونلاين وكمان كيف تعرفه اصلى ولا مقلد )

وعلى الموقع هتلاقى اننا بنتميز عن غيرنا بتوفير معلومات عن كل عطر وبيناسب اى فترة فى السنة وكمان مين الشخصية اللى ممكن ترتدى العطر ده ، وكده انت تقدر تختار عطرك بنفسك

ورؤيتنا المستقبلية لنشاطتنا أننا نكون موقع متخصص فى العطور الاورجينال والأزياء ( ملابس - مستحضرات تجميل - أحذية - شنط - نظارات شمسية - ساعات ) علشان تكمل شياكتك معانا

وكمان من الحاجات اللي بنتميز بيها هو فريق العمل اللى بيتميز بالنزاهة والذكاء والطاقة ، وليهم اهتمامات جميلة زى حب تحليل الشخصيه ومنهم اللى بيحب الرسم ومنهم اللى بيحب قرأة الروايات ومنهم اللى بيحب الرياضه ، فهتلاقى أنهم شبهك كتير لما تتعامل معاهم

واحنا بنتميز بأننا هنكون جنبك دايما فى أغلب المناسبات الاجتماعية لأننا بنسجل عندنا عيد ميلاد العميل أو أحد أقاربه وفى اليوم ده بيكون ليه خصم مميز ، وكمان فى شهر نوفمبر بنعمل خصومات كبيرة جدا وعروض وبيكون الحدث ده عندنا أسمه جولدن فرايداى ( الجمعة الذهبية )

وأحنا كمؤسسين شغفنا بالعطور كبير من أكتر من 17 سنة ومستمرين فى تطوير الموقع والشركة لأرضائكم دائما

أما عن قصة الأسم ( اؤمرنى )

فكانت طريقة اختياره مشوقه جدا وغريبة علشان كده حابين نذكرها

وأحنا بنفكر فى أختيار الأسم فى يناير2017 ، كان أحد المؤسسين جالس على مقهى مع أصدقائه وكان بيكلمهم عن فكرة الشركة والهدف منها اننا عاوزين نقول للعميل اطلب واتمنى واحنا تحت امرك ، وأننا لغاية دلوقتى موصلناش لأسم مميز ، وهما بيتكلموا راحلهم شاب يعمل فى المقهى ويقول لحد من الجالسين اؤمرنى هتشربوا ايه

فأذ بهذا الشخص ينتفض من على كرسيه ويقف ويقول بصوت عالى اؤمرنى ايوه اؤمرنى دوت كوم

فكان وراء هذا الاسم هو شاب يعمل فى مقهى ، فأصبحت اؤمرنى دوت كوم

وعلشان اسم الشركة كان حدث غريب ومشوق ، فبنوفرلك المتعة عند أختيارك زيارة موقعنا الالكتروني ، لتجد فى أحد العطور اللى بتحبها رحلة ممتعة وشيقة تنقلك من مكانك إلى مكان تانى تتمناه

تسوق مع اؤمرنى وانت مطمن

مع اؤمرنى خليك في الاورجينال

Location

Location: السادس من اكتوبرالمحور المركزى مول سيتى ستار مبنى 5 وحدة رقم 21 السادس من اكتوبر الجيزة، 12591

Hours: Saturday- Tuesday: 10a - 6p

Screen shot 2023 07 13 at 9